” سویڈن، قرآن پاک کی بے حرمتی کرنے والے شخص کی ناروے میں پُراسرار موت ” | GNN INFO

سویڈن میں قرآن شریف کی بے حُرمتی کرنے والا شخص ناروے میں پُر اسرار موت مارا گیا۔

غیر ملکی خبر رساں ادارے کے مطابق 37 سالہ سلوان مومیکا نامی شخص کی لاش ناروے میں اس کے گھر سے ملی۔ سلوان مومیکا کی موت کی وجہ تاحال پتا نہیں چل سکی۔

رپورٹس میں بتایا گیا ہے کہ مقامی پولیس نے گستاخی کرنے والے شخص کی لاش ملنے کے بعد تحقیقات کا آغاز کردیا ہے۔

سویڈن کا قرآن پاک کی بے حرمتی کو جرم قرار دینے پر غور

اس حوالے سے ناروے حکومت کی جانب سے کوئی پبلک اسٹیٹمنٹ جاری نہیں کی گئی ہے۔

خیال رہے کہ سویڈن کے دارالحکومت اسٹاک ہوم میں سلوان مومیکا نے قرآن پاک کی بے حرمتی کی تھی۔ مومیکا سوئیڈن میں مظاہروں کا اہتمام کرنے کے لیے مشہورتھا جہاں اس نے کھلے عام پولیس کی حفاظت میں قرآن پاک کی بے حرمتی کی تھی ۔